Malvani Poem – Mya Malvani

‘ मिया मालवणी ‘ !!………….

मालवणी मानूस
पयल्या कोंब्याक फाटफटीच उटतलो , नि
आदि वाडवन हातात घेतलो ;
खळा , परडा झाडतलो
नि , न्हानयेत आग घालतलो !………….१

झाडांका पानी लावतलो
नि , चारो ढोरांच्या फुड्यात टाकतलो ;
तांबयात दूधाची धार काडतलो
नि , शिंक्यार न्हेवन ठेवतलो !…………..२

शेळकुंडाची मिशरी लावतलो ,
नि , तोंडार पानी मारतलो ;
मांजराक येक धबको देतलो
नि तवसर दिस उजाडतलो !…………३

चुलीत आग घालतलो , नि
छाती फुटासर फुकतलो ,
धुर नळ्यातसून वर जातलो
नि , ह्यो घुसमटान ढासतलो !………….४

ढेंगा चुलीक लावतलो , नि
वायच् हात पाय शेकतलो ,
कळशेतला पानी ओततलो , नि
चायक आदान ठेवतलो !………….५

कोप बशी खडबडावतलो , नि
गुळमेत चाय ओततलो ;
आसले तर बटर घेतलो , नि
फुटी चाय ढोसतलो !………….६

निजलेल्यांच्यार पेट काडतलो
चार गाळी घालतलो ;
मागारनीर करवादतलो , नि
पान-सुपारेचो बार तोंडात भरतलो !…………..७

आकडी कोयतो कमरेक बांदतलो , नि
फटकूर खांद्यार टाकतलो ;
जुता आसला तर घालतलो
नि , सरळ वाटेक लागतलो !…………….८

टोपली , गका घेतलो , नि
सड्यार काजी राकतलो ;
आंबे , फणास खातलो
नि , अडसारांचा पानी पितलो !…………९

खादनात दिसभर वडी काडतलो
वय , आडो बांदतलो ;
सड्यारचा कराड काडतलो
नाकडाचो भारो टकलेर हाडतलो !………..१०

दमान पेज , पिटी भात खातलो
नि , वायच् लक्नी काडतलो ;
हुसक्यासरशी उटतलो
नि , ढोरांपाटी जातलो !………….११

घामान पुरो भिजतलो , नि
चारीचा पेंडूक टकलेर मारतलो ;
तवसार दिस मावाळतलो
नि , ह्यो ढोरां घेवन् घराक लागतलो !…………१२

ढोरां दायार बांदतलो , नि
न्हानयेल्या पानयान् न्हातलो ;
रातीक गजाली मारतलो , नि
ह्यो राजा , सुखाचे गोदडेत निजतलो !!………..१३

पांडुपुत्र-
( प्रा.डाॅ.प्रकाश पांडुरंग गोसावी )

Leave a Comment

Dear Visitor,

We appreciate your support for our website. To continue providing you with free content, we rely on advertising revenue. However, it seems that you have an ad blocker enabled.

Please consider disabling your ad blocker for our site. Your support through ads helps us keep our content accessible to everyone. If you have any concerns about the ads you see, please let us know, and we’ll do our best to ensure a positive browsing experience.

Thank you for understanding and supporting our site.

Please disable your adblocker or whitelist this site!