Durga Saptha Sloki In Malayalam
Shree Durga Saptashloki Malaylam
॥ ശ്രീദുര്‍ഗാസപ്തശ്ലോകീ ॥
। അഥ സപ്തശ്ലോകീ ദുര്‍ഗാ ।
ശിവ ഉവാച
ദേവി ത്വം ഭക്തസുലഭേ സര്‍വകാര്യവിധായിനീ ।
കലൌ ഹി കാര്യസിദ്ധ്യര്‍ഥമുപായം ബ്രൂഹി യത്നതഃ ॥
ദേവ്യുവാച
ശൃണു ദേവ പ്രവക്ഷ്യാമി കലൌ സര്‍വേഷ്ടസാധനം ।
മയാ തവൈവ സ്നേഹേനാപ്യംബാസ്തുതിഃ പ്രകാശ്യതേ ॥
ഓം അസ്യ ശ്രീദുര്‍ഗാസപ്തശ്ലോകീസ്തോത്രമഹാമന്ത്രസ്യ നാരായണ ഋഷിഃ ।
അനുഷ്ടുഭാദീനി ഛന്ദാംസി । ശ്രീമഹാകാലീമഹാലക്ഷ്മീമഹാസരസ്വത്യോ ദേവതാഃ ।
ശ്രീദൂര്‍ഗാപ്രീത്യര്‍ഥം സപ്തശ്ലോകീ ദുര്‍ഗാപാഠേ വിനിയോഗഃ ॥
ജ്ഞാനിനാമപി ചേതാംസി ദേവീ ഭഗവതീ ഹി സാ ।
ബലാദാകൃഷ്യ മോഹായ മഹാമായാ പ്രയച്ഛതി ॥ 1॥
ദുര്‍ഗേ സ്മൃതാ ഹരസി ഭീതിമശേഷജന്തോഃ
സ്വസ്ഥൈഃ സ്മൃതാ മതിമതീവ ശുഭാം ദദാസി ।
ദാരിദ്ര്യദുഃഖഭയഹാരിണി കാ ത്വദന്യാ
സര്‍വോപകാരകരണായ സദാഽഽര്‍ദ്രചിത്താ ॥ 2॥
സര്‍വമങ്ഗലമാങ്ഗല്യേ ശിവേ സര്‍വാര്‍ഥസാധികേ ।
ശരണ്യേ ത്ര്യംബകേ ഗൌരി നാരായണി നമോഽസ്തു തേ ॥ 3॥
ശരണാഗതദീനാര്‍തപരിത്രാണപരായണേ ।
സര്‍വസ്യാര്‍തിഹരേ ദേവി നാരായണി നമോഽസ്തു തേ ॥ 4॥
സര്‍വസ്വരൂപേ സര്‍വേശേ സര്‍വശക്തിസമന്വിതേ ।
ഭയേഭ്യസ്ത്രാഹി നോ ദേവി ദുര്‍ഗേ ദേവി നമോഽസ്തു തേ ॥ 5॥
രോഗാനശേഷാനപഹംസി തുഷ്ടാ രുഷ്ടാ തു കാമാന്‍ സകലാനഭീഷ്ടാന്‍ ।
ത്വാമാശ്രിതാനാം ന വിപന്നരാണാം ത്വാമാശ്രിതാ ഹ്യാശ്രയതാം പ്രയാന്തി ॥ 6॥
സര്‍വാബാധാപ്രശമനം ത്രൈലോക്യസ്യാഖിലേശ്വരി ।
ഏവമേവ ത്വയാ കാര്യമസ്മദ്വൈരി വിനാശനം ॥ 7॥
॥ ഇതി ദുര്‍ഗാസപ്തശ്ലോകീ സമ്പൂര്‍ണാ ॥